အမျိုးသား တစ်ဦး၏ နှလုံးသားသို့ သွားရာလမ်းမှာ အစာအိမ်မှ တစ်ဆင့်သာ ဖြစ်ကြောင်း ဆိုစကား ရှိခဲ့သည်။ မကြာသေးမီက ပြုလုပ်ခဲ့သည့် လေ့လာမှုတစ်ခုအရ အမျိုးသမီးတစ်ဦး၏ နှလုံးသားကိုလည်း ယင်းလမ်းကြောင်း ဖြင့်သာ သွားနိုင်ကြောင်း သိလိုက်ရပြီ ဖြစ်သည်။
အမျိုးသမီးများသည် ဗိုက်ပြည့်နေမှ သာလျှင် ချစ်ရေးချစ်ရာကို ပိုမိုစိတ်ဝင်စား တတ်ကြောင်း လေ့လာမှုတစ်ခုတွင် ဖော်ပြ ထားသည်။ အမျိုးသမီးများအား အစာမစားမီနှင့် စားပြီးနောက်တို့တွင် ချစ်မှုရေးရာနှင့် ဆိုင်သော ဓာတ်ပုံများကို ပြသခဲ့ရာ အစာစားပြီးသည့် အမျိုးသမီးများသည် ၎င်းဓာတ်ပုံများကို တက်ကြွစွာတုံ့ပြန် တတ်ကြောင်း တွေ့ရှိခဲ့ရသည်ဟု အမေရိကန် ပြည်ထောင်စုရှိ ပင်ဆီဗေးနီယား တက္ကသိုလ်နှင့် ဖီလာဒယ်ဖီယာရှိ ဒရီဇယ် တက္ကသိုလ်တို့မှ သုတေသန ပညာရှင်များက တွေ့ရှိခဲ့သည်။
အမျိုးသမီးတစ်စုအား အစားကို ၀လင်စွာစားစေပြီးနောက် ချစ်မှုရေးရာ နှင့်ဆိုင်သော ဓာတ်ပုံများကိုပြသခဲ့ရာ ၎င်းအမျိုးသမီးများ၏ သာယာမှုနှင့် ဆိုင်သော ဦးနှောက် အစိတ်အပိုင်းတွင် လှုံ့ဆော်မှုများကို ပိုမိုမြင်တွေ့လာရကြောင်း လေ့လာမှုကို ဦးဆောင်ပြုလုပ်ခဲ့သည့် ဒေါက်တာ အဲလစ်အဲလိုင်းက ပြောဆိုခဲ့သည်။ ပုံမှန် ကိုယ်အလေးချိန်ရှိသော တက္ကသိုလ် ကျောင်းသူ တစ်စုအား ရှစ်နာရီကြာ အစာမစားခိုင်းဘဲ ထားကာ သာမန်နှင့် ချစ်မှုရေးရာ ဓာတ်ပုံများကို ကြည့်ရှုစေခဲ့သည်။ ယင်းကဲ့သို့ ကြည့်ရှုနေချိန်တွင် အမျိုးသမီးများ၏ ဦးနှောက်အား ဦးနှောက် ပုံရိပ်ဖော်စက်ဖြင့် စောင့်ကြည့်မှုများ ပြုလုပ်ခဲ့သည်။
ဆာလောင်နေသည့် အမျိုးသမီးများက ဘိုးလင်းဘောလုံး၊ သစ်ပင်တစ်ပင်နှင့် စတာပလာတို့အား ကြည့်ရှုရာတွင် တုံ့ပြန်မှုသည် ချစ်မှုရေးရာ ဓာတ်ပုံများအား ကြည့်ရှုရာတွင် တုံ့ပြန်မှုနှင့် တူညီနေကြောင်း တွေ့ရှိခဲ့သည်။ ယင်းနောက်တွင် အမျိုးသမီးများအား ချောကလက်နံ့ ပါသော (၅၀၀) ကယ်လိုရီရှိ ဖျော်ရည်တိုက်ပြီး ပထမနည်း အတိုင်း စမ်းသပ်ခဲ့ပြန်သည်။ ဒုတိယ အကြိမ်တွင်မူ အမျိုးသမီးများသည် စုံတွဲများ ဖက်ပွေ့နေသည့် ပုံများ၊ နမ်းနေသည့် ပုံများကို ပိုမိုတုံ့ပြန်ခဲ့ကြောင်း တွေ့ရှိခဲ့သည်။
ယဉ်ကျေးမှုစနစ် အတော်များများတွင် အစားအစာနှင့်အချစ်သည် နီးကပ်စွာ တွဲလျက်ရှိနေပြီး ပိုးပန်းမှုများ ပြုလုပ်ရာတွင် အစားအစာများကို မှာယူပြီး ကျွေးမွေးမှုများကိုပင် ပြုလုပ်တတ်ကြောင်း ယခင်က သိရှိခဲ့ပြီးဖြစ်သည်ဟု ဒေါက်တာအဲလိုင်း ကပြောသည်။
Source:DM
Post a Comment
သင်၏မှတ်ချက် ရေးပါ။.....