ရဟန်းတော်များ နေ့လွဲညစာ မစားရခြင်းအကြောင်း

ရဟန်းတော်များအဖို့ အစားအစာကို ဘုဉ်းပေးသုံးဆောင်တဲ့နေရာမှာ အစားအစာအတိုင်းအတာကိုရော၊ ကိုယ့်ဝမ်းအတိုင်းအတာကိုရော သိရှိပြီးသကာလ ဘုဉ်းပေးသုံးဆောင်ရပါတယ်။ မိမိရဲ့ သပိတ်၊ ပန်းကန်ထဲကို ကုန်နိုင်သလောက်သာထည့်ပြီး ထည့်သလောက် ကုန်အောင် ဘုဉ်းပေးသုံးဆောင်ရပါတယ်။ အစားအစာကို ဆေးအဖြစ်မှတ်ယူပြီး အစာလည်းဆေး ဆေးလည်းအစာဖြစ်အောင် ဘုဉ်ပေးသုံးဆောင်ရပါတယ်။ တစ်ခါက ဘုရားရှင် ရဟန်းတော်များနှင့်အတူ တစ်နေရာကို ခရီးသွားစဉ် ဘုရားရှင်က “ရဟန်းတို့၊ နေ့လွဲညစာ မစားကြပါနဲ့၊ နေ့လွဲညစာမစားပဲ နေတာက ကျန်းမာရေးပိုကောင်းပါတယ်။ ဖျားမှု နာမှု ကင်းဝေးမယ်၊ စိတ်လန်းဆန်းမှုလည်းရရှိလာမယ်။ စွမ်းအင်တွေတိုးပွါးလာပြီး နေရထိုင်ရတာ သက်တောင့်သက်သာဖြစ်လာပါလိမ့်မယ်” လို့ပြောဘူးပါတယ်။ (ကီဋာဂိရိသုတ်၊ မဇ္ဈိမနိကာယ်) ဘုရားရှင်လက်ထက် အစောဦးကာလတွေတုန်းက ဘုရားရှင်ရဲ့ ဒီလိုနေ့လွဲညစာမစားဘို့ ဆုံးမစကားတွေကို လွယ်လွယ်ကူကူလက်ခံခဲ့ဟန်တော့ မတူပါဘူး။ မဇ္ဈိမနိကယ်၊ လဋုကိကောပမသုတ်ထဲမှာ ညစာမစားရတာနဲ့ပတ်သက်လို့ ရှင်ဥဒါယီဆိုတဲ့ရဟန်းတစ်ပါးက ဘုရားရှင်ကို ဒီလို လျှောက်ခဲ့ဘူးပါတယ်။ “မြတ်စွာဘုရား၊ တပည့်တော်တို့တတွေဟာ အရင်တုန်းကဆိုရင် နေ့ရော ညပါ အစာအာဟာရတွေကို ဘုဉ်းပေးသုံးဆောင်နေကြတာပါ။ အခု အရှင်ဘုရားက မစားနဲ့ဆိုတော့ တပည့်တော်တို့တတွေ စိတ်ဆင်းရဲမှု အင်မတန်ဖြစ်နေရပါတယ်ဘုရား။ ဒါပေမဲ့ တပည့်တော်တို့က အရှင်ဘုရားအပေါ်မှာ ချစ်၊ ကြောက်၊ ရိုသေခြင်းရှိကြလို့ အရှင်ဘုရားစကားကို နားထောင်ကာ ညစာ မစားကြပါဘူးဘုရား” တဲ့။ ဒီ့အပြင် ရဟန်းတော်များ ညစာစားခြင်းမှ ရှောင်ကြဉ်လိုက်လို့ ရရှိတဲ့အကျိုးတရားတွေကို ဒီလဋုကိကောပမသုတ်ထဲမှာ အကျယ်တ၀င့်ဖော်ပြထားပါတယ်။ အတော်လေး စိတ်ဝင်စားဖွယ်ကောင်းလှပါတယ်။ ဆန်ဈေး ဆီဆေးကြီးနေတဲ့ ယနေ့လိုခေတ်ကြီးမှာ ဘုရားရှင်ကသာ ရဟန်းတော်များကို ညစာမစားရ ဆိုတဲ့ ၀ိနည်းဥပဒေမထားခဲ့ဘူးဆိုရင် (ရဟန်းတော်တွေကို ညစာစားခွင့်ပြုထားခဲ့မယ်ဆိုရင်)အရုဏ်ဆွမ်းအတွက် တစ်ခါ ဆွမ်းခံထွက်၊ နေ့ဆွမ်းအတွက် တစ်ခါ ဆွမ်းခံထွက်၊ ညဆွမ်းအတွက် တစ်ခါဆွမ်းခံထွက်နေရတော့မှာပေါ့။ ဒီလိုသာ တစ်နေ့ကို ဆွမ်းခံ သုံးခါထွက်ရမယ်ဆိုရင် ရဟန်းတော်များဘက်ကလည်း မလွယ်ကူသလို ဆွမ်းလှူဒါန်းရမည့် ဒကာ ဒကာမများဘက်ကလည်း အင်မတန်ကြီးလေးတဲ့ တာဝန်ကြီးကို ထမ်းဆောင်ရတော့မှာပါ။ အားလုံးသိပြီးသားဖြစ်တဲ့အတိုင်း ဘုရားရှင်ဟာ ဘုရားအဖြစ်နဲ့ ၄၅ နှစ်ကြာ ၄၅ ၀ါကြာနေပြီး အသက် ၈၀ အရွယ်မှာ ပရိနိဗ္ဗာန်စံတော်မူပါတယ်။ ဘုရားဖြစ်ပြီး ၄၅ နှစ်ထဲမှာ ပထမနှစ် ၂၀ မှာ ၀ိနည်းသိက္ခာပုဒ်တွေကို မပညတ်ရသေးပါဘူး။ ဆိုတော့ ၀ိနည်းစည်းကမ်းတွေ မရှိသေးဘူးပေါ့။ ဒီတော့ကား ညစာစားလိုတဲ့ရဟန်းတော်များ ညစာ စားကြမှာပါဘဲ။ ညစာအတွက် ဆွမ်းခံထွက်ရမှာ သေချာပါတယ်။ ဒီလိုညစာစားခြင်းရဲ့ ဘေးထွက်ဆိုးကျိုးနဲ့ ညစာအတွက် ဆွမ်းခံထွက်ရတဲ့ဒုက္ခတွေကို ရှင်ဥဒါယီဆိုတဲ့ရဟန်းကြီး နောက်ပိုင်းမှာ သဘောပေါက်သွားပါတယ်။ ဆွမ်းခံထွက်ရတဲ့ဒုက္ခတွေကို သူကိုယ်တိုင်တွေ့ကြုံခဲ့ရတာကိုး။ ဒါကို ဒီလဋုကိကောပမသုတ်တော်မှာ ဒီလို မှတ်တမ်းတင်ခဲ့ပါသေးတယ်။ “အသျှင်ဘုရား ရှေးကဖြစ်ဖူးသည်မှာ ရဟန်းတို့သည် ညဥ့်မှောင်မိုက်၌ ဆွမ်းခံလှည့်လည်ကြကုန်သည် ရှိသော် အညစ်အကြေးစွန့်ရာသို့လည်း ဝင်မိကြကုန်၏၊ ညွန်တွင်းသို့လည်း ကျကြကုန်၏၊ ဆူးရှိသော တွင်းကိုလည်း နင်းမိကြကုန်၏၊ အိပ်နေသော နွားမကိုလည်း တက်နင်းမိကြကုန်၏၊ ခိုးခဲ့ပြီးသောသူခိုး မခိုးရသေးသော သူခိုးတို့နှင့်လည်း တွေ့ဆုံမိကြကုန်၏၊ မာတုဂါမသည်မူလည်း ထိုရဟန်းကိုမေထုန် အကျင့်ဖြင့် ဖိတ်၏ 'မေထုန်ကျင့်ရန် ပြောဆို၏'။ အသျှင်ဘုရား ရှေးကဖြစ်ဖူးသည်မှာ တပည့်တော်သည် ညဥ့်မှောင်မိုက်၌ ဆွမ်းအလို့ငှါ လှည့်လည်၏၊ အသျှင်ဘုရား ခွက်ဆေးကြောနေသော မိန်းမတစ်ယောက်သည် လျှပ်စစ်ပြက်သော အခိုက်၌ အကျွန်ုပ် ကို့မြင်၍ 'အမလေး ကိုယ်ကျိုးနဲပါပေါ့၊ ဘီလူးကြီးပါတကား'ဟု လန့်အော်ပါ၏။ အသျှင်ဘုရား ဤသို့လန့်အော်သော် တပည့်တော်သည် 'နှမ ငါသည် ဘီလူးမဟုတ်ပါ၊ ဆွမ်းရပ်နေသော ရဟန်းပါ' ဟု ထိုမိန်းမကို ပြောဆိုခဲ့ပါ၏၊ 'ရဟန်းအား မိဘမဲ့လေယောင်တကား၊ ရဟန်းအားမိဘမဲ့လေယောင် တကား၊ ရဟန်း ထက်လှစွာသော ဓားငယ်ဖြင့် သင်၏ ဝမ်းဗိုက်ကို ထိုးဖောက်ခြင်းကမြတ်သေး၏၊ ညဥ့်မှောင်မိုက်၌ ဝမ်းဟူသောအကြောင်းကြောင့် ဆွမ်းခံလှည့်လည်ခြင်းသည် မမြတ်သည်သာတည်း' ဟု ထိုမိန်းမက ဆိုပါ၏။” (မဇ္ဈိမနိကာယ်၊ လဋုကိကောပမသုတ်၊ ပိုဒ်ရေ ၁၄၈) ဒါက ဘုရားရှင်လက်ထက်က ညစာအတွက် ဆွမ်းခံကြွဘူးတဲ့ရဟန်းတစ်ပါးရဲ့အတွေ့အကြုံကို ဖော်ပြတာပါ။ ဘုရားရှင်ကလည်း 'အကြင်ရဟန်းသည် မွန်းလွဲသောအခါ၌ ခွဲဖွယ်ကိုသော် လည်းကောင်း၊ ဘောဇဉ်ကိုသော်လည်းကောင်း ခဲမူလည်း ခဲငြားအံ့၊ စားမူလည်း စားငြားအံ့၊ (ထိုရဟန်းအား) ပါစိတ်အာပတ်အပြစ်သင့်စေ'' ၀ိနည်းဥပဒေ တစ်ခုကို ထုတ်ခဲ့ပါတယ်။ ၀ိနယပိဋက၊ ပါစိတ်ပါဠိတော်မှာလာတဲ့ ဒီဝိကာလဘောဇနသိက္ခာပုဒ်အကြောင်းကို အကျယ်မပြောလိုတော့ပါဘူး။ ဒီနေရာမှာ ပြောလိုတာက ဘုရားရှင်က နေ့ ၁၂ နာရီမှ နောက်နေ့မနက် အရုဏ်တက်သည်အထိ အဆိုင်အခဲဖြစ်တဲ့ ထမင်း၊ ခေါက်ဆွဲ၊ ကြာဇံ၊ မုန့်ဟင်းခါး၊ ကိတ်မုန့်၊ ပေါင်မုန့်စတဲ့ အစိုင်အခဲဖြစ်တဲ့ အစားအစာ (Solid Foods) တွေကိုသာ စားခွင့်မပြုတာပါ။ အပ်စပ်အောင်လုပ်ထားတဲ့ သစ်သီးဖျော်ရည်တို့ကို ဘုဉ်းပေးသုံးဆောင်ကောင်းပါတယ်။ ဒါ့အပြင် 100 Plus, Red Bull (ကျွဲရိုင်း)လို အအေးမျိုးတွေကိုလည်း ကျန်းမာရေးအရ သောက်လို့ရပါတယ်။ သီရိလင်္ကာနိုင်ငံက လက်ဖက်ခြောက်ထွက်တဲ့နိုင်ငံဆိုတော့ ညနေပိုင်း သီရိလင်္ကာဘုန်းကြီးကျောင်းတွေကိုအလည်သွားရင် လက်ဖက်ရည်တွေနဲ့ဧည့်ခံတာကို ကြုံဘူးပါတယ်။ ထိုင်းဘုန်းကြီးတွေကတော့ ကော်ဖီ၊ မိုင်လိုစတာတွေကို သောက်ကောင်းတယ်လို့ ယူဆပြီး ညနေပိုင်း ဘုဉ်းပေးသုံးဆောင်လေ့ရှိပါတယ်။ နွားနို့မထည့်ရင် ညနေပိုင်း ကော်ဖီ လက်ဖက်ရည်သောက်ကောင်းပြီး နွားနို့မထည့်ရင်တော့ မသောက်ကောင်းဘူးလို့ ထိုင်းဘုန်းကြီး သီရိလင်္ကာဘုန်းကြီးတချို့က ပြောပြန်ပါတယ်။ မြန်မာဘုန်းတော်ကြီးများကတော့ ကော်ဖီ လက်ဖက်ရည်တွေကို မသောက်ကောင်းဘူးလို့ ယူဆပါတယ်။ ဒါပေမဲ့ ထောပတ်သီးဖျော်ရည်၊ သင်္ဘောသီးဖျော်ရည်လိုဟာမျိုးတွေကို နို့ဆီနဲ့ ဖျော်သောက်တာကို နေရာအတော်များများမှာ
 တွေ့ဘူးပါတယ်။ ဒီလိုထောပတ်သီးဖျော်ရည်မျိုး၊ သင်္ဘောသီးဖျော်ရည်မျိုးကို သောက်လို့ရတယ်ဆိုရင် ကော်ဖီ လက်ဖက်ရည်လည်း သောက်လို့ရသင့်ပါတယ်။ ဒါ့အပြင် မြန်မာပြည် အချို့ဒေသတွေမှာတော့ ကြက်သွန်သုတ်၊ ဂျင်းသုတ်တွေကို ညနေပိုင်းအချိန်တွေမှာ ရဟန်းတော်များ ဘုဉ်းပေးသုံးဆောင်ကောင်းတယ်လို့ယူဆပြီး ဆက်ကပ်လှူဒါန်း ဘုဉ်းပေးသုံးဆောင်နေတာကို တွေ့ဘူးပါတယ်။ ခြုံကြည့်လိုက်ရင် ရဟန်းတော်များအနေနဲ့ ကိုယ်နေနေတဲ့ဂေါစရဂါမ်ပတ်ဝန်းကျင်က ဒကာ ဒကာမတွေအလိုအတိုင်း ကျင့်သုံးနေကြတယ်လို့ထင်မိပါတယ်။ ကော်ဖီ လက်ဖက်ရည်ကို ညနေပိုင်းအချိန်မှာ ရဟန်းတော်သောက်ရင် မြန်မာဒကာ ဒကာမများက ၀ိနည်းတော်နဲ့ အညီမနေဘူးဆိုပြီး အထင်သေးတတ်ပါတယ်။ ဒီတော့ ညနေပိုင်းအချိန်တွေမှာ မြန်မာရဟန်းတော်များ ကော်ဖီလက်ဖက်ရည်မသောက်ကြပါဘူး။
 ထောပတ်သီးဖျော်ရည်၊ သင်္ဘောသီးဖျော်ရည်လိုဟာမျိုးတွေကို သောက်ရင်တော့ ၀ိနည်းတော်နဲ့ညီတယ်လို့ ထင်တတ်ကြပါတယ်။ ဆိုတော့ ညနေပိုင်းအချိန်တွေမျာ မြန်မာရဟန်းတော်များ ထောပတ်သီးဖျော်ရည်၊ သင်္ဘောသီးဖျော်ရည်လိုဟာမျိုးတွေကို သောက်ကြပြန်ပါတယ်။ မြန်မာနိုင်ငံက ထင်ရှားတဲ့ဆရာတော်ကြီးတစ်ပါးကတော့ ညနေပိုင်း ဘိလပ်ရည် (ဟိုးတုန်းကပေါ်ခဲ့တဲ့ စိမ်းစိမ်းအရည်) ကိုတောင် ရဟန်းတော်များ ညနေပိုင်းသောက်သင့် မသောက်သင့် စဉ်းစားသင့်တယ်လို့ မိန့်ဘူးတယ်ဆိုတာကို တဆင့်စကားကြားဘူးပါတယ်။ ဘာအစားအစာကို ဘယ်အချိန်မှာပဲစားစား ဘာကြောင့်စားတယ်ဆိုတာကို သတိမူရပါမယ်။ ရဟန်းတော်များအနေနဲ့ အစားအစာ စားတဲ့နေရာမှာ ဘုရားရှင်က ဒီလို ဆင်ခြင်ပြီး စားရမယ်လို့ မိန့်မှာခဲ့ပါတယ်။ “ဤသည့်စားဖွယ်၊ အမယ်မယ်ကို၊ မြူးရယ်မာန်ကြွ၊ လှပရေဆင်း၊ ပြည့်ဖြိုးခြင်းငှာ၊ မသုံးပါဘူး၊ လေးဖြာဓာတ်ဆောင်၊ ဤကိုယ်ကောင်သည်၊ ရှည်အောင်တည်လျက်၊ အသက်မျှတန်း၊ မမောပန်းငြား၊ ဘုရားသာသနာ၊ ကျင့်နှစ်ဖြာကို၊ ကျင့်ပါနိူင်စေ၊ စေဒနာဟောင်း-သစ်၊ မဖြစ်စေရ၊ ယာပိုက်မျှလစ် ခပ်သိမ်းပြစ်ကို မဖြစ်လေအောင်၊ချမ်းမြေ့အောင်ဟု သုံးဆောင်မှီဝဲပါသတည်း။”

ကိုးကား: လဋုကိကောပမသုတ်၊ မဇ္ဈိမနိကာယ် ကီဋာဂိရိသုတ်၊ မဇ္ဈိမနိကာယ် ၀ိနယပိဋက၊ ပါစိတ်ပါဠိတော်

အရေအတွက် အခေါက်ရေနှင့် ပုတီးစိပ်သူများ

အသံဖိုင်နာယူ၍ရေးသားပူဇော်ရသောကြောင့် စာလုံးပေါင်းမှားပါက ခွင့်လွတ်ကြပါရန်
_/\_ _/\_ _/\_ (3:34 AM)

မြတ်စွာဘုရားရဲ့ဂုဏ်တော်တွေကို သတိရဖို့ ဒီနေ့ခေတ်တော့
ဂုဏ်တော်ပွားတယ်ဆိုတဲ့အခါမှာ ပုတီးစိပ်ပြီးတော့ ဂုဏ်တော်ပွားကြတာလည်း
ရှိတယ်ပေါ့။ပုတီးစိပ်တဲ့အခါမှာ ဘုရားရဲ့ဂုဏ်တော်ကို စိတ်ကရောက်ရာ အင်မတန်မှ အရေးကြီးတယ်ပေါ့။အဲ့ဒီလိုမှမဟုတ်ပဲ ပုတီးလုံးနဲ့
ပုတီးအရေအတွက်ဘက်ကို စိတ်ရောက်နေတယ်ဆိုရင် ဂုဏ်တော်နဲ့ဝေးကွာနေကြသေးတယ်ပေါ့။ဂဏန်းဘက် စိတ်ရောက်နေတာ။
အရေအတွက်ပဲ။ကိုယ်ကိုယ်တိုင်တော့ မမြင်ဖူးဘူး ကြားပဲကြားဖူးတာ။မန္တလေး
ဘုရားကြီးထဲမှာ ၈၄၀၀၀ ပုတီးစိပ်တဲ့သူတွေရှိတယ်လို့ ပြောတယ်။
အဲ့ဒီတိုင်း ပုတီးစိပ်ရင် သတိထားပေါ့။သူက ပုတီးကို လက်ညှိုးပတ်ပြီးတော့ ရမ်းနေတာလို့ပြောတယ်။ပုတီးကို လက်ညှိုးပတ်ပြီး ရမ်းလိုက်တာ
အနားနားက လူတွေ မှန်လိုက်ရင်တော့ မသက်သာဘူး။

ပုတီးကိုလက်ညှိုးပတ်ပြီးတော့ ရမ်းနေတာဆိုရင် ၈၄၀၀၀ က ခဏရသွားမှာပဲ။အဲ့လိုစိပ်တဲ့သူလည်း ရှိတယ်လို့ပြောတယ်။
တစ်ချို့လည်း ဗျင်းဗျင်းနဲ့ ဆွဲချပြီးတော့ စိပ်တဲ့သူလည်းရှိတယ်။ကိန်းဂဏန်းကိုပဲ ရှေ့တန်းတင်ပြီးတော့ ပုတီးစိပ်ကြတယ်ပေါ့။
အဲ့ဒီပုတီးစိပ်တာကိုပဲ သမထ အလုပ်ဆိုပြီးတော့ လုပ်ကြတဲ့ပုဂ္ဂိုလ် တွေလည်းရှိတာပဲ။ဘာပဲဖြစ်ဖြစ် လုပ်တယ်ဆိုလို့ရှိရင်
မှန်မှန်ကန်ကန်လုပ်ဖို့တော့ လိုအပ်တာပေါ့။မမှန် မကန်လုပ်ရပ်တွေဟာ ကောင်းကျိုးချမ်းသာပေးတော့လည်း မှန်မှန်ကန်ကန် ကောင်ကျိုးတွေ
ရမှာမဟုတ်ဘူး။ဘယ်ဟာပဲဖြစ်ဖြစ် နည်းလမ်းကျကျ စနစ်တကျ systematically လို့ခေါ်တယ်။သဘာဝကျကျ လုပ်တတ်ဖို့ လိုအပ်တယ်ပေါ့။

အဲ့ဒီလို သဘာဝမကျတဲ့ ပုတီးအပတ်ရေ ကြည့်ပြီးတော့ ဗုဒ္ဓံနုဿတိ
လုပ်လို့ကတော့ သိပ်ပြီးတော့အကျိုးတရားတွေ လုံလောက်အောင်ရမှာ မဟုတ်ဘူး။
ဒါတွေက အရေအတွက်ဂဏန်းတွေပေါ်မှာ မူတည်ပြီး လာလို့။တစ်ချို့ကျတော့ ပုတီးတောင်မကိုင်တော့ဘူး Tally ဂဏန်းပေါင်းစက်ကလေးနဲ့။
ဂဏန်းစက်ကလေးနဲ့ ဆွဲပြီးတော့ လုပ်နေတာ။ဘယ်နှစ်ပတ်ရပြီ ဘယ်နှစ်ခုရပြီနဲ့ ဂဏန်းပဲ အာရုံပြုပြီးတော့ စိပ်နေတာ။ဘယ်နှစ်ခါ ရရဘာမှ လုပ်စရာ
မလိုဘူး။တစ်ထောင်ရမှ နှစ်ထောင်ရမှ သုံးထောင်ရမှ မှတ်စရာမှမလိုတာ။ဘုရားကို အာရုံပြုတယ်ဆိုတာ အာရုံပြုနေရင်ပြီးတာပဲ။

ဘုရားကို အာရုံမရောက်ဘဲနဲ့ ဘယ်အာရုံရောက်နေလဲဆိုတော့ အရေအတွက် ဘယ်နှစ်ပတ်ရှိသွားပြီလဲ? ဥပမာ တစ်နေ့ကို ဂုဏ်တော်ပုတီး
၅၀၀၀ ပြည့်အောင် စိပ်မယ်ဆိုပြီး အခု ဘယ်နှစ်ပတ်ရှိသွားပြီလဲ ဒါပဲကြည့်နေတာ။
ပြည့်သွားရင် ကိစ္စအေးသွားမယ်လို့ သူကဒီလိုထင်တာ။
အဓိက ကတော့ ကိုယ့်ရဲ့စိတ်ဟာ ဘုရားဂုဏ်တော်ပေါ်မှာ သတိတရားဟာ
စွဲစွဲ မြဲမြဲရှိနေဖို့ဟာ ပိုအရေးကြီးတယ်။
ဆိုလိုတာက ဘာလုပ်လုပ် မှန်ကန်ဖို့လိုတယ်လို့ ဆိုတာ။

ပြောတာကြားဖူးတယ် စစ်ကိုင်းတောင်ရိုးမှာ ထွဋ်ခေါင်ချောင်ဆိုတာ
ထွဋ်ခေါင်ဆရာတော်ကြီး မင်းတုန်းမင်းကြီးလက်ထက်က နာမည်ကြီးတဲ့
ထွဋ်ခေါင်ဆရာတော်ကြီး။ထွဋ်ခေါင်ချောင်ကနေ ကောင်းမှုတော်စေတီတော်ကို
သွားဖူးတဲ့အခါမှာ ဆရာတော်ကြီးနောက်က တပည့်တွေ
ယောဂီတွေ သီလရှင်တွေ သံဃာတွေ ပါမှာပေါ့ သွားတဲ့အခါ။အဲ့ဒီလို သွားတဲ့အခါ ဆရာတော်ကြီးက မေးတဲ့အခါ တပည့်တော်က ပုတီး ဘယ်နှစ်ပတ်
ရတယ်ဘုရား။တစ်ချို့ကလည်း တပည့်တော် ဂုဏ်တော်ပုတီး ၁၀၀၀ ရတယ်
၂၀၀၀ ရတယ် ၁၀၀၀၀ ရတယ်နဲ့လျှောက်ကြတာ။
ထွဋ်ခေါင်ဆရာတော်ကြီးက “အေးဗျာ ခင်များတို့တော့ တော်လိုက်ကြတာ။ကျုပ်ဖြင့် တစ်လုံးကိုတောင် မနည်းရအောင် စိပ်ရတယ်” လို့ပြောတယ်။

ဟုတ်တယ်လေ တကယ့်ဘုရားဂုဏ်တော်ကို စိတ်ရောက်မှ အဲ့ဒီလိုမှ မဟုတ်ရင်
“နင်ပြီး နင်ဆင်းပဲ သွားမှာပဲလေ”။
ပုတီးလုံးလေးတွေ ဆွဲဆွဲပြီးတော့ ချနေတာ။နင်ပြီး နင်ဆင်း၊“ နင်” ပြီး “ နင်” ဆင်းပဲ။နောက်ဆုံးမှာ ကိုယ်ပါ ဆင်းရမယ့် ပုံစံမျိုးဖြစ်လာမယ်။
အဲ့ဒီလို အရေအတွက်ဘက် လိုက်လာတဲ့ သဘောတွေဟာ မှန်ကန်တဲ့ဟာမဟုတ်ဘူး။ဘုရားဂုဏ်ကို အာရုံပြုနိုင်ဖို့က အရေးကြီးတယ်။

နောက်ပိုင်းကျတော့ ဘယ်လိုဖြစ်လာလဲဆိုတော့ ဘုန်းကြီးတို့ နိပေါ
ရောက်တဲ့အခါ သွားသတိထားမိတယ်။အဲ့ဒီမှာ ဘီးလုံးကြီးတွေ
လုပ်ထားတာ ရှိတယ်။ သူတို့မှာလည်း မန္တာန်ရွတ်တာတွေ မန္တာန်ကို
ဘယ်နှစ်ခေါက် ရွတ်ရမယ်ဆိုတာတွေ ရှိတယ်။
မန္တာန်ကို ဘယ်နှခေါက်ရွတ်ဆိုပြီးတော့ ။ အဲ့ဒီကနေ ကူးဆက်လာတာ။
မန္တရ တန္တရ ဂိုဏ်းတွေရဲ့အယူအဆတွေက ဒီထဲမှာ ဝင်ရောလာတာ။
ဒါကြောင့် ဂုဏ်တော်စိပ်ရင် ပုတီးဘယ်နှစ်ပတ်ပြည့်အောင် စိပ်ရမယ်လို့ဆိုတဲ့
အယူအဆတွေ ဝင်လာတာ။မန္တာန်နဲ့ဆက်စပ်ပြီးတော့ ဝင်လာတဲ့သဘောတွေပေါ့။
ဂုဏ်တော်ကို အာရုံရောက်အောင် လုပ်နိုင်ရင်တော့ အကျိုးမရှိဘူးလို့ မဆိုလိုပါဘူး။
သို့သော် စနစ်တကျ သတိတရားဟာ ကိုယ့်သန္တာန်မှာ
တန်ဖိုးရှိတဲ့ မြတ်စွာဘုရား ဂုဏ်ပေါ်မှာ လွမ်းခြုံထားတဲ့ သတိရှိဖို့ လိုအပ်တယ်။
ဂဏန်းပေါ်မှာ အာရုံရောက်နေရင်တော့ ဂုဏ်ပေါ်ရောက်တာ မဟုတ်ဘူး။

အဲ့ဒီတော့ နိပေါသွားတော့ သူတို့က ဘယ်နှစ်ခေါက်ဆိုတာ ရွတ်ရမယ်ဆိုတဲ့
တန္တရ မန္တရ တွေရဲ့ အယူအဆအရ ဘီးလုံးကြီးမှာဘာတွေ
ရေးထားလဲ ဆိုတော့ “ ဥုံ မဏိ ပဒ္မေ ဟုံ”ဆိုတဲ့ မန္တာန်ကိုရေးထားတယ်။အဲ့ဒီ မန္တာန်ကြီးကိုရေးထားတာ ပါးစပ်က မရွတ်တတ်တဲ့
ပုဂ္ဂိုလ်တွေတို့ မရွတ်နိုင်တဲ့ ပုဂ္ဂိုလ်တွေတို့ အဲ့ဒီဘီးလုံးကြီးကို သွားလှည့်နေကြတယ်။တစ်ပတ်ပြည့်ရင် တစ်ခေါက်ပေါ့ နှစ်ပတ်ပြည့်ရင်
နှစ်ခေါက်ပေါ့။ဘီးလုံးဆိုတာ လှည့်ရင်လည်တာပဲပေါ့။အဲ့ဒါကို ကုသိုလ်ရတယ်ထင်ပြီး လှည့်နေကြတာပဲ။ အဲ့ဒီမှာ ဘုရားဖူးတွေ တွေ့ခဲ့တာ။
ရမ်းသန်းမှန်းသန်း ယောင်တောင်ပေါင်တောင်လုပ်ပြီးတော့ မြန်မာပြည်ကတောင်
“ဥုံ မဏိ ပဒ္မေ ဟုံ” တွေ လုပ်နေသေးတယ်။
တန်ခိုးရှိတယ်ထင်ပြီးတော့ လျှောက်လုပ်ကြတာ။

အဓိပ္ပာယ်ကို နားလည်ဖို့လိုတယ်ပေါ့။ ဥုံ-ဆိုတဲ့ စကားလုံးသည်ပင်လျှင် ဘာအဓိပ္ပာယ်ဆောင်တာလဲလို့ စဉ်းစားဖို့ လိုအပ်တယ်ပေါ့။
ဥုံ-ဆိုတဲ့ စကားလုံးက “အ , အု, မ” ဆိုတဲ့ အက္ခရာ သုံးလုံးကို
တစ်သံထဲ ထွက်အောင် ရွက်တဲ့သဘော။ကိုယ်ဟာနဲ့ကိုယ်
အိမ်ပြန်တဲ့အခါ ရွတ်ကြည့်ပေါ့။“အ, အု ,မ ” အဲ့ဒီ သုံးလုံးကို
တစ်ပြိုင်တည်း ထွက်အောင် ရွတ်ကြည့်။တစ်ပြိုင်တည်း မြန်မြန်ထွက်အောင်
ရွတ်ကြည့်။“ အ ,အု, မ” လို့မဆိုနဲ့ “ အ , အောင်” ဒီလိုထွက် အဲ့ဒါကို
“ အောင်း ” လို့ အသံကြားတဲ့အခါ ကြားတယ်။
“ ဥုံ” လို့ အသံကြားတဲ့အခါ ကြားတယ်။တကယ်တော့ အဲ့ဒီ အက္ခရာ သုံးလုံးကိုပေါင်းထားတာ။ဒါက ဟိန္ဒူဘာသာဝင်တွေ သုံးတဲ့စကားလုံး။

အဓိပ္ပာယ်က , အ-ဆိုတာ ဗြဟ္မာကို ရည်ညွှန်းတာ။အု-ဆိုတာ ဗိသျှနိုး၊မ-ဆိုတာ
သျှီးဗား(သိဝ) ဆိုတဲ့ နတ်ကြီးကို ရည်ညွှန်းတာ။
သူတို့အခေါ်နဲ့ဆို Brahma, Vishnu , Shiva အဲ့ဒါကြောင့် နောက်ဆုံး
အက္ခရာလေးတွေ ယူပြီးတော့
Brahma မှာ -အ၊ Vishnu မှာ- အု၊
Shiva မှာ- မ။အဲ့ဒီ သုံးလုံးကို ပေါင်းပြီးတော့ ရွတ်တာ။
“အောင်း” ဆိုတဲ့စကားလုံးက။
သူတို့ ကိုးကွယ်တဲ့ ဗြဟ္မာဆိုတဲ့- Creator ၊
ဗိသျှနု-ဆိုတဲ့ Protector ၊ သျှီဝ-ဆိုတဲ့ Destroyer ။
ဖန်ဆင်းတာကတစ်ယောက် စောင့်ရှာက်တာကတစ်ယောက်
ဖျက်စီးတာကတစ်ယောက် သုံးယောက်။

အဲ့ဒီနတ်ဘုရား သုံးဆူကိုတမ်းတပြီးတော့ တစ်ပြိုင်တည်း
တမ်းတရှိခိုးတဲ့ မန္တာန်။အဲ့ဒါဟာ “ ဥုံ ” လို့ရွတ်ဖတ်တာ။
ဗုဒ္ဓဘာသာ နဲ့မဆိုင်ဘူး။ဗုဒ္ဓဘာသာတွေ ရွတ်ချင်ရင်တော့ ဣတိပိတော ရွတ်၊
“ ဥုံ” ခံစရာမလိုဘူး။
ဗုဒ္ဓ သရဏံ ဂစ္ဆာမိ။ဓမ္မံ သရဏံ ဂစ္ဆာမိ။ သံဃံ သရဏံ ဂစ္ဆာမိ။ဒီလိုရွတ်
ဝေဿဝဏ် နတ်မင်းကြီးက
“အာဋာနာဋိယ”သုတ်ကို မြတ်စွာဘုရားကို လာပြီးတော့
လျှောက်ထားတဲ့အခါမှာ ကြည့် ။သူ့ရဲ့ပရိတ်သတ် တပည့်တွေ
ဘီလူးတွေ မြတ်စွာဘုရားကို ကြည်ညိုတာ ရှိတယ်။မကြည်ညိုတာရှိတယ်။
မကြည် ညိုတာတွေက များတယ်။ဘာဖြစ်လို့ များလဲဆိုတော့ ဘုရားက
သူ့အသက် သတ်ခြင်းမှ ရှောင်ရမယ်။ သူ့ဥစ္စာခိုးခြင်းမှ ရှောင်ရမယ်။ဆိုတော့
ဒီကောင်တွေက သူ့အသက် သတ်ချင်တဲ့ ကောင်တွေ ခိုးချင်တဲ့ကောင်တွေ မဟုတ်တာလုပ်ချင်တဲ့ ကောင်တွေ
ဆိုတော့ ဘုရားကို မတည့်ဘူးသူတို့က။
မကြည်ညိုတဲ့ ကောင်တွေကများနေတာ။

ဒါ့ကြောင့်မို့ မကြည်ညိုလို့ ဘုရားကို ကိုးကွယ်တဲ့သူတွေကို
နှောက်ယှက်မှာစိုးလို့ ဘုရားကိုလာပြီးတော့ လျှောက်တာ။
လာလျှောက်တဲ့အခါမှာ အဲ့ဒီလိုလုပ်ရင် နှောက်ယှက်ချင်လို့ အနီးကပ်တယ်။အခွင့်ချောင်းတယ်ဆိုရင် ဒီကောင်ကိုဖမ်း
နယ်နှင်ဒဏ်ပေး။နောက်ဆုံးမှာ ဘီလူးအစည်းအဝေး မဝင်ရဆိုတာတွေ ကန့်သတ်ချက်တွေနဲ့လုပ်။ဒီလိုတွေ လုပ်ပြီးတော့
ပြစ်ဒဏ်တွေ ချမှတ်တယ်။ အဲ့ဒါ အာဋာနာဋိယ သုတ်ဆိုတာ အဲ့ဒီဟာပါတယ်ပေါ့။

အဲ့ဒီတော့ ဒီလိုအန္တရာယ်တွေက ရှိနေတာကိုး။အဲ့လို ရှိနေတဲ့
အန္တရာယ်တွေက ကာကွယ်ဖို့အတွက် မှန်ကန်တဲ့နည်းလမ်းကို အသုံးချရမယ်။
ဘုရားဂုဏ်ကို အာရုံပြုပြီးတော့ နေလိုက်တယ်ဆိုတာ ကိုရတဲ့
“ဣတိပိတော”ဆိုတာ ဗုဒ္ဓဘာသာဝင်တွေ အကုန်ရတယ်။
ဘုရား ဂုဏ်ကိုအာရုံပြုပြီးတော့ ကြည့်ရမယ်။အရဟံ-ဆိုတာ
ဘုရားမှာ လောဘ ဒေါသ မောဟ ကိလေသာတွေ မရှိဘူး
ဆိုတာကို အာရုံပြုလို့လည်း ရတယ်။တစ်နည်းအားဖြင့် လောကလူသားတွေဟာ ဆိတ်ကွယ်ရာရောက်ရင် မကောင်းတာလုပ်တတ်ကြတယ်။

လူကြီးသူကောင်းလို့ပြောတဲ့သူတွေတောင် ကွယ်ရာကျမဟုတ်တာ လုပ်တတ်ကြတယ်။မြတ်စွာဘုရားမှာ ကွယ်ရာမှာတောင် မဟုတ်တာမလုပ်ဘူး။
မကောင်းတဲ့ အကုသိုလ်ဆို ကွယ်ရမှာတောင် မလုပ်ဘူးဒါ့ကြောင့်မို့
“အရဟံ”ဆိုတဲ့ ဂုဏ်တော်နဲ့ ပြည့်စုံတယ် လို့တွေးပြီးတော့ စိတ်ထဲမှာ
ကြည်ညိုလာအောင် နှလုံးသွင်းရမယ်။သတိရတယ်ဆိုတာ အဲ့ဒါပြောတာ။
ဘုရားရဲ့ အရဟံ ဂုဏ်။လောဘ ဒေါသ မောဟတွေကို အကြွင်း
ကျန်မရှိအောင် ဖယ်ရှားနိုင်တယ်။သမ္မာသမ္ဗုဒ္ဓ-မှန်ကန်တဲ့တရားတွေကို ကိုယ်တိုင်သိတယ်။ဝိဇ္ဇာစရဏ-ပညာနဲ့အကျင့်တရားတွေနဲ့ လုံးဝ
ပြည့်စုံတယ်။သုဂတ-ကျင့်ကြံ ကြိုးကုတ်လို့ အောင်မြင်ပေါက်ရောက်ပြီးသာ
ပုဂ္ဂိုလ်ဖြစ်တယ်။(ဝါ)မှန်ကန်တဲ့စကားကိုပြောဆိုတယ်။
လောကဝိဒူ-လောကအကြောင်း ကောင်းကောင်းသိတယ်။ဒီလို
ဂုဏ်တော်တွေ တစ်ခုစီ တစ်ခုစီ စိတ်ထဲမှာ အာရုံပြုပြီးတော့
စိတ်နဲ့ဂုဏ်တော်တွေနဲ့ ထုံမွှမ်းတာပြောတာ။

အဲ့ဒီလို ထုံမွှမ်းထားရမယ်တဲ့ နေ့အခါမှာပဲ ဖြစ်ဖြစ် ညအခါမှာပဲဖြစ်ဖြစ်
ဘုရားဂုဏ်တော်တွေကို မိမိရဲ့နှလုံးသားထဲမှာ ပွားထုံထားပြီးဆိုရင်
ဘုရားဂုဏ်တော် ပွားထုံထားတဲ့အချိန်မှာ
ဘာအန္တရာယ်တွေ ကင်းလဲဆိုတော့

အဲ့ဒီအချိန်မှာ လောဘဆိုတာ မဖြစ်ဘူး ဒေါသဆိုတာ မဖြစ်ဘူး
မောဟဆိုတာလည်း မဖြစ်ဘူး။ဘုရားဂုဏ်တော်ပေါ်မှာ
စိတ်ဟာဖြောင့်ဖြောင့်မှတ်မှတ်
ဘုရားဂုဏ်တော်ပေါ်မှာတွေးပြီးတော့ အာရုံပြုနေတာ။
ဘုရားဂုဏ်တော်ကို အမှတ်သတိရနေတယ် ဒီအပေါ်မှာပဲစိတ်ဟာ
တစ်ဖြောင့်တည်း ဖြစ်ပြီးတော့ စိတ်တွေဟာကြည်နူးမှုတွေ ပီတိတွေဖြစ်လာတယ်။ပီတိတွေဖြစ်တော့ ခန္ဓာကိုယ်တွေ ငြိမ်းချမ်းလာတယ်။
ငြိမ်းချမ်းလာတော့ သုခဖြစ်လာတယ်။သုခဖြစ်လာတဲ့အခါ စိတ်တည်ငြိမ်လာတယ်။ဘုရားဂုဏ်တော်ပေါ်မှာ
စိတ်ဟာ ငြိမ်ကျသွားတယ်။အဲ့ဒီလိုဖြစ်အောင် ပွားပါ။

ဂုဏ်တော် တစ်ထောင်ရအောင်တို့ နှစ်ထောင်ရအောင်တို့ ၈၄၀၀၀
ပြည့်အောင်တို့ နင်ပြီး နင်ဆင်းတွေ လုပ်မနေပါနဲ့။ဒီလိုဆိုလိုတာပေါ့နော်။
အဲ့ဒါမှ ဘုရားဂုဏ်တော်ပွားရခြင်းအကျိုးဟာ တကယ့်စစ်မှန်တဲ့အကျိုးတရားကို ရရှိမှာ ဖြစ်ပါတယ်။ဘုရားဂုဏ်တော်ပွားရင်း ပွားရင်း စိတ်ထဲမှာ
ကြည်နူးလာအောင် ဘုရားကို အာရုံပြုပြီးတော့ ပွားရတယ်။အဲ့ဒီလိုပွားတယ်ဆိုတဲ့အခါမှာ အတွင်းအန္တရာယ်တွေ ကင်းသွားတာသေချာတယ်။
လောဘ ဒေါသ မောဟ အန္တရာယ်မရှိဘူး။အပြင်အန္တရာယ်တော့ ရှိကောင်းရှိမယ်။အတွင်းအန္တရာယ်ကင်းတယ်ဆိုကတည်းက အပြင်အန္တရာယ်လည်း
ပဲ ကင်းသွားပြီ။အတွင်းနဲ့အပြင်ဆိုတာ အတွင်းကပို အားကောင်းတယ်။အပြင်က ဒီလောက်အားကောင်းတာ မဟုတ်ဘူး။ဒါ့ကြောင့်မို့
အတွင်းအန္တရာယ်ကင်းဖို့ရန် ပိုအရေးကြိုးတယ်။အတွင်းအန္တရာယ်ကင်းသွားတော့ အပြင်အန္တရာယ်ကလည်း ကိုယ့်ကို အနှောက်အယှက်မပေး
နိုင်တော့ဘူး ဒီလိုပြောတာနော်။အဲ့ဒီတော့ အရေအတွက်က အဓိကမဟုတ်ဘူး။

မြတ်စွာဘုရားက ဝိသာခကျောင်းအမကြီးကိုဟောတယ်။ဘုရားကိုအာရုံပြုတဲ့သတိ ကိုယ့်သန္တာန်မှာဖြစ်နေအောင်လုပ် သတိဖြစ်နေအောင်လုပ်။
ဘုရားကို သတိရနေတာ။အကြိမ်ကြိမ် သတိရအောင်လုပ်။ဘယ်အချိန်မှာ လုပ်ရမလဲဆိုတော့ အလုပ်လုပ်နေရင်းလည်းလုပ်တဲ့။
သွားနေရင်းလည်းလုပ်။ထိုင်နေရင်းလည်း လုပ်။နောက်ဆုံး သားသမီးတွေနဲ့ အတူနေတဲ့အချိန်မှာတောင် ဒီကမ္မဋ္ဌာန်းဘာဝနာပွားတဲ့။
လုပ်ငန်းကိုင်ငန်းတွေ လုပ်နေတဲ့အခါမှာလည်း ဘုရားကို ကိုယ့်သန္တာန်မှာ တည်အောင်လုပ် ဒီလိုပြောတာ။ဘယ်အချိန်ရယ်လို့ မဟုတ်ဘူး။
အချိန်မရွေး ဖြစ်နေအောင်ကြိုးစား။ဒီလိုပြောတာ။

တနေ့ဂုဏ်တော်ပုတီး ဘယ်နှစ်ပတ် စိပ်တယ်ဆိုတာ အဓိကမဟုတ်ဘူး။လွဲမှားစွာ မမှတ်သားသင့်ဘူး။တန္တရ မန္တရတွေရဲ့ အရေအတွက်တွေဟာ
အဲ့ဒီဘက်ကို စိတ်ရောက်သွားလို့ ရှိရင် တကယ့်ဂုဏ်တော်ပေါ်မှာ အာရုံရောက်မှု လွှဲချော်သွားနိုင်တယ်။ဒီလိုပြောတာနော်။

{ကျေးဇူးတော်ရှင်ပါချုပ်ဆရာတော်ဘုရားကြီး}

(အစွမ်းထက်သော ကာကွယ်မှုတရားတော်မှ ကောက်နှုတ်ချက်)

ဤဓမ္မဒါနကုသိုလ်ကြောင့် လောကနဲ့ သာသနာတော်ကို ထောက်ပံ့နိုင်ပြီး
နိဗ္ဗာန်၏အထောက်အပံ့ ဖြစ်ပါစေ။

ဓမ္မမိတ်ဆွေများ ကျန်းမာချမ်းသာကြပါစေဗျာ။

_/\_ _/\_ _/\_

ဗုဒ္ဓသာသနာ အညစ်အကြေးများ

ဗုဒ္ဓသာသနာကို ညှိုးမှိန် ကွယ်ပျောက်စေနိုင်သော အညစ်အကြေများကို ပုဂံခေတ် တန္တရအနွယ်ဝင် အရည်းကြီးတို့က မြန်မာနိုင်ငံ ဗုဒ္ဓဘာသာဝင်များအတွက် ထုနှင့် ထည်နှင့် ထားခဲ့ကြပေသည်။ ထိုအရည်းကြီးတို့၏ အလေ့အကျင့်များမှာ-

ထိမ်းမြားမင်္ဂလာပြုအံ့သော အမျိုးသမီးတို့၏ ပန်းဦးလွှတ်ခြင်းဟူသော အပူဇော်ကို ခံယူခြင်း၊ မြင်းမွေးခြင်း၊ မြင်းစီးခြင်း၊ လက်ဝှေ့ သတ်ခြင်း၊စုန်းကဝေအတတ်တို့ကို လေ့လာခြင်း၊ ဗေဒင်ဟောခြင်း၊ ဆေးကုသခြင်း၊ နတ်ပူဇော်ပသခြင်း၊ ၀ိဇ္ဇာမဟိဒ္ဓိအတတ်ကို လိုက်စားခြင်း၊ သိုက်၊ တဘောင်၊ စနည်း၊ ဘဝေါ၊ အတိတ်နိမိတ်တို့ကို ယုံကြည်လိုက်နာခြင်းတို့ ဖြစ်ပေသည်။

ဖော်ပြပါ အလေ့အကျင့်များအနက် ၀ိဇ္ဇာမဟိဒ္ဓိခေါ် ထွက်ရပ်လမ်းကို လိုက်ခြင်း၊ ဗေဒင်နက္ခတ်ကို အလေးထားယုံကြည်ခြင်း၊ နတ်ပူဇော်ပသခြင်းများကား ယခုအချိန်ထိ မြန်မာဗုဒ္ဓဘာသာ ရဟန်းရှင်လူတို့၏ အားကိုးလေးစားမှုကို ရရှိတုန်းပင် ရှိသေးသည်။ ထိုတွင် ထွက်ရပ်ဝိဇ္ဇာပညာအကြောင်းကို ဦးစွာတင်ပြရပေမည်။

အဘယ့်ကြောင့်ဆိုသော် ၄င်းပညာကို လူပုဂ္ဂိုလ်များထက် ဘုရားသားတော် ရဟန်းများက အများဆုံး လိုက်စားနေသောကြောင့်ပါတည်း။

“သံသာရ၀ဋ္ဋ ဒုက္ခတော မောစနတ္ထာယ” သံသရာတည်းဟူသော ၀ဋ်ဆင်းရဲမှ ထွက်မြောက်ပါရခြင်းအကျိုးငှာ ဟုဆို၍ ရဟန်းပြုလာကြသော သံဃာတော်တချို့သည် သံသရာဝဋ်ဆင်းရဲ၌ လည်သထက် လည်စေသော ၀ိဇ္ဇာထွက်ရပ်လမ်းကို အဘယ်ကြောင့် ဤမျှလောက် လိုက်စားနေကြပါသနည်း။ ၀ိဇ္ဇာထွက်ရပ်လမ်း၏ အမြင့်ဆုံးအကျိုးကျေးဇူးကား အဘယ်တို့ပါ နည်း။ ထေရ၀ါဒဗုဒ္ဓဘာသာနှင့် မည်ကဲ့သို့သော ကွာခြားချက်များ ရှိပါသနည်း။ ဖော်ပြပါမေးခွန်းတို့၏ အဖြေများသည် ဖော်ပြလတ္တံ့သော ထွက်ရပ်လမ်း ၀ိဇ္ဇာကျင့်စဉ်များကို သုံးသပ်ပြရင်းဖြင့် ပါသွားပါလိမ့်မည်။

ပိုးလောက်လန်းများသည် ခြင်ကောင်ဖြစ်ခါနီးသောအခါ တစ်နေရာတွင် ငြိမ်သက်စွာနေကြရသည်။ ထိုအခါ ကိုယ်ပေါ်တွင် အမြှေးပါးကလေးများ ဖုံးအုပ်လာသည်။ အမြှေးပါးကလေးများ လုံလုံခြုံခြုံဖြစ်သည်နှင့်ပိုးလောက်လန်းသည် အရည်ဘ၀သို့ ပြောင်းလဲသွားရသည်။ အရည်ဘ၀မှ တစ်စတစ်စမာကျောပြီး အတောင်၊ ခြေ၊ လက်များ ထွက်လာကာ ခြင်ကောင်ဘ၀သို့ ရောက်ရှိပါတော့သည်။ ယင်တို့လိပ်ပြာတို့လည်း ထိုနည်း၎င်းပင်ဖြစ်သည်။ ဤကား အင်းဆက်ပိုးတို့၏ ဗီဇလက္ခဏာပင် ဖြစ်သည်။

ထိုအင်းစက်ပိုးတို့၏ ဗီဇလက္ခဏာကိုကြည့်၍ ဉာဏ်သွားသော လူတစ်ချို့က လူသားများသည်လည်း ပိုးလောက်လန်းလို ဖိုဝင်နိုင်လျှင် ပိုးလောက်လန်းများက ကောင်းကင်ပျံနိုင်သော ခြင်၊ ယင်၊ လိပ်ပြာဖြစ်သကဲ့သို့လူသားများသည်လည်း သိဒ္ဓိပေါက် ပုဂ္ဂိုလ်ဖြစ်နိုင်သည် ဟူသောအတွေးကိုအစပြု၍ ဖိုဝင်သော ထွက်ရပ်
လမ်းအကျင့်သည် စတင်ပေါ်ပေါက်ခဲ့ရပေသည်။ ရာဇ၀င်တွင်လည်း ဗျတ်ဝိ၊ ဗျတ္တတို့ မီးကင်စားသော လူသားသည် ဇော်ဂျီဖိုဝင်သားဟု ဆိုကြသည်။

ဆင်ဖြူရှင် မင်းတရားလက်ထက် သက္ကရာဇ် ၉၂၈ ခုနှစ်၊ တပေါင်းလဆန်း ၅ ရက်၊ သောကြာနေ့၊ ဟံသာဝတီမြို့ဝန်းကျင်ကို ကျုံးစတင်တူးရာက မြေအောင်းဇော်ဂျီကို ရခဲ့ဖူးသည်။ ဖိုဝင်ခြင်းကလည်း အမျိုးစုံရှိသည်။ မြေအောင်းတာရှိသလို အမြှေးဖုံးခြင်း၊ ရေနွေးပွက်ပွက်ဆူကို ချိုးခြင်း၊ မီးပုံတွင်းဆင်းခြင်းဟူ၍ အမျိုးမျိုးရှိသည်။ ဖိုအောင်းခြင်းမရှိဘဲ ပြဒါးကိုသိဒ္ဓိသွင်းပြီး အောင်မြင်သွားသော ပြဒါးဝိဇ္ဇာ၊ သံကို သိဒ္ဓိသွင်းပြီး အောင်မြင်သွားသော သံဝိဇ္ဇာ၊ ဆေးစီရင်ပြီး အောင်မြင်သွားသော
ဆေးဝိဇ္ဇာ၊ အင်းချ အောင်မြင်သွားသော အင်းဝိဇ္ဇာ၊ မန္တာန်ရွတ်ဆိုအောင်မြင်သွားသော မန္တာန်ဝိဇ္ဇာဟု ငါးမျိုးရှိသေးသည်။

လယ်တီဆရာတော်၏ ၀ိဇ္ဇာမဂ္ဂဒီပနီကျမ်းတွင် လောကီ၊ လောကုတ္တရာရော၍ ငါးမျိုးသီးသန့် ပြထားပါသေးသည်။ ယင်းတို့မှာ -

ဗေဒင်လေးမျိုးတတ်သော ဗေဒ၀ိဇ္ဇာ လက္ခဏာကျမ်း၊ နိမိတ်ကျမ်း၊ ဂါထာ၊ မန္တရား၊ ဆေးဝါး အမျိုးမျိုးတတ်သော မန္တ၀ိဇ္ဇာ ပြဒါး၊ သံ၊ ဆေး၊ အင်း၊ မန္တာန်အမျိုးမျိုး သိဒ္ဓိပေါက်သော ဂန္ဓာရီဝိဇ္ဇာ လောကီဈာန်များ ရရှိသော လောကီယ၀ိဇ္ဇာ အရိယာအဖြစ်သို့ရောက်သွားသော အရိယာဝိဇ္ဇာ တို့ဖြစ်သည်။

ထွက်ရပ်လမ်းလိုက်သော ပုဂ္ဂိုလ်တို့ထင်သလို ထွက်ရပ်လမ်းအောင်မြင်သွားတိုင်းလည်း စိတ်ချမ်းသာကြရသည် မဟုတ်ပေ။ သူ့ထက်သူ လူစွမ်းကောင်းဟူသော စကားအတိုင်း မိမိထက်သာသောသူများ၏ အခိုင်းအစေကို ခံကြရပေသည်။

“ ငါတို့ကို အားမကျကြနဲ့၊ သူများကိုကယ်တင်တာ အရိယာအဖြစ်နဲ့ နိဗ္ဗာန်ဝင်ရမယ်ထင်ပြီး ဂန္ဓာရီလမ်းလိုက်ခဲ့မိတာ မှားကုန်ပြီ။ ထားရာနေ၊ စေရာသွား၊ ခိုင်းတာလုပ်၊ ခုတော့ သူတို့ခိုင်းတာလုပ်နေရတယ်။ မိမိထက်ကြီးသော တန်ခိုးရှင်ကြီးများ ခိုင်းတာလုပ်နေရတယ်၊ မင်းတို့မမှားကြလေနဲ့”

ဤကားစိတ်နှလုံးဖြူစင်သော ထွက်ရပ်ပေါက် ၀ိဇ္ဇာဓိုရ်ကြီးများက ထွက်ရပ်ပေါက် လမ်းမှားကို လိုက်မိနေကြရှာသော ပုဂ္ဂိုလ်များအား သတိပေးစကားပြောကြားချက် အချို့ပင် ဖြစ်ပါသည်။ စိတ်နှလုံးဖြူစင်သော ထွက်ရပ်ပေါက် ၀ိဇ္ဇာဓိုရ်ကြီးများဟု ဆိုထားရာ စိတ်နှလုံးမဖြူစင်သော ထွက်ရပ်ပေါက် ၀ိဇ္ဇာဓိုရ်ကြီးများ ရှိနေသေးသလားဟု မေးလာပါက ရှိနေသည်ဟုဖြေရပါမည်။

ရှိပုံကို ကိုယ်တိုင်ကျင့်ကြံ အားထုတ်ပြီးမှ အရိယာဝိဇ္ဇာ မဂ္ဂဒီပနီကျမ်းကို ရေးသားတော်မူသော သိမ်တော်ကြီးတောရဆရာတော်ကြီးက အောက်ပါအတိုင်း ရေးသား သတိပေးတော်မူခဲ့ပါသည်။

လောကီဝိဇ္ဇဓိုရ်ကြီးများသည် သူတို့၏ ရုပ်ပြောင်းရုပ်လွဲ တန်ခိုးအမျိုးမျိုးပြ၍ နဂါးကို ဂဠုန်သုတ်သကဲ့သို့ အုံပြုတ်အောင် စုပ်ယူနေကြသည်။ အရိယာဝိဇ္ဇာအစစ် မဖြစ်ကြသေးသည့်အတွက် စိတ္တ၀ိပလ္လာသ ဖုံးအုပ်နေကြသောကြောင့် ခံနေကြရပေသည်။ သို့အတွက် အရိယာဝိဇ္ဇာအစစ် သောတပန်စသည်ဖြစ်အောင် အား
ထုတ်ကြကုန် သူတော်ကောင်းအပေါင်းတို့။

ဝိပဿနာတရား အားထုတ်နေကြသောပုဂ္ဂိုလ်များ မဂ္ဂင်လမ်းမှ လွဲသွားအောင်နိမိတ်ပုံအမျိုးမျိုးပြ၍ ဖျက်ဆီးနေကြခြင်းကို ဆိုလိုခြင်းဖြစ်သည်။ ဤသတိပေးစကားကို လက်တွေ့ တရားအားထုတ်နေကြသော ပုဂ္ဂိုလ်များက ပို၍ သဘောပေါက်နိုင်ပါသည်။ တစ်ခါက ကမာရွတ်မှ ယောဂီအမျိုးသမီးကြီးတစ်ဦး ၀ိပဿနာတရားကို ထိထိရောက်ရောက် အားထုတ်လျက်ရှိစဉ် တစ်ရက်တွင် တရားထိုင်ရင်း

ကျောင်းကန်ဘုရားမျိုးစုံ အာရုံထဲထင်လာသည်။ ကျောင်းကန်ဘုရားပုံများ ထင်ပြီးနောက် ၀တ်ဖြူစင်ကြယ်တစ်ဦး ပေါ်လာကာ ကျောင်းကန်ဘုရားပြုပြင်သော သာသနာပြုအလုပ်ကို ဦးဆောင်လုပ်ရန် မိမိကလည်း ကူညီမည်ဖြစ်ကြောင်း ပြောဆိုကာ ပျောက်ကွယ်သွားခဲ့လေသည်။ ထိုအခါ ယောဂီအမျိုးသမီးကြီးမှာ မိမိကိုယ်ကို တကယ့်သာသနာပြုပုဂ္ဂိုလ်ကြီးအဖြစ် အထင်ကြီးသွားပြီး ၀ိပဿနာကို ဆက်မလုပ်တော့ဘဲ မယ်တော်ကြီးအမည်ခံကာ ဘုရားတည်ကျောင်းဆောက်ရင်း ဘ၀ကိုပျော်မွေ့ နေလေတော့သည်။

ဘုရားတည်၊ ကျောင်းဆောက်အလုပ်ကရော ကုသိုလ်အလုပ် မဟုတ်ဘူးလားဟုဆိုပါက ဟုတ်ပါသည်။ သို့သော် ဘုရားတည်ကျောင်းဆောက်သော ဒါနကုသိုလ်သည် သာသနာပမှာလည်း ရနိုင်သော သာမာန်ကုသိုလ်မျိုးသာဖြစ်သည်။
ဝိပဿနာတရား အားထုတ်၍ရရှိသော မဂ်ကုသိုလ်သည်ကား ဘုရားရှင်၏ သာသနာတွင်းမှသာ ရနိုင်သောမြင့်မြတ်ခဲယဉ်းလှသည့် သဘောမျိုးဖြစ်သည်။

ရွှေနှင့်တူသော မဂ်ကုသိုလ်ရရှိမည့်လမ်းမှ ကြေးနှင့်တူသော ဒါနကုသိုလ်ကို လမ်းလွှဲပေးလိုက်ခြင်းသာဖြစ်သည်။ စာရေးသူ၏ မိခင်ကြီးတရားထိုင်နေစဉ် တစ်ခါကလည်း ဘုရားစင်ပေါ်မှ ကန်တော့ပွဲပေါ်တွင် ၀တ်ဖြူစင်ကြယ်တစ်ဦး ပေါ်လာခဲ့သည်။ ဘုရားကိုကပ်လှူသော ကန်တော့ပွဲကို သူတို့အား လှူထားသည်အထင်နှင့် ပေါ်လာခြင်း ဖြစ်သည်။ တရားနာ၊ တရားထိုင် ရင့်နေပြီဖြစ်သော မိခင်ကြီးက ထိုပုဂ္ဂိုလ်စကားအပြောကိုပင် မစောင့်တော့ဘဲအာရုံကို ဖျောက်ပစ်လိုက်ပါသည်။

လက်မခံမှန်းသိသဖြင့် နောက်ထပ်ပေါ်မလာတော့ကြောင်း စာရေးသူအား လျှောက်ထားဖူးပါသည်။ သိမ်တောင်ဆည်ကြီး တောရဆရာတော် မိန့်တော်မူသကဲ့သို့ပင် သောတပန် မဖြစ်သေးသရွှေ့ သာသနာဖျက်ဆီးလိုသူ ပုဂ္ဂိုလ်မျိုးစုံတို့၏ ဖြားယောင်း သွေးဆောင် လှည့်ပတ်ခြင်းကို ခံနေကြဦးမည်သာ ဖြစ်သည်။ သို့အတွက် ယခုလို ၀ိမုတ္တိယုဂခေတ်ကြီးတွင် မိမိကသာ လိုလိုချင်ချင်နှင့် တကယ်အားထုတ်ဖို့ လိုပါသည်။ တရားမှန်၊ ဆရာမှန်များများစွာ ပေါ်ထွန်းနေလေပြီ။

ဗုဒ္ဓ၏ သဗ္ဗညုတဉာဏ်တော်ကို ယုံကြည်သောသူမှန်သမျှကို ယခုဘ၀၌ပင် မဂ်ဖိုလ်ကို မရရအောင်အားထုတ်သင့်ကြောင်း တောင်လေးလုံး ဆရာတော်ဦးမေဓာဝီက ယခုကဲ့သို့ ဥပမာပေးတော်မူခဲ့ပါသည်။

ယခုဘ၀ထဲ၌ မဂ်ဖိုလ်ရမည် မရမည်ကို သံသယရှိခဲ့လျှင် ဆရာမပြ၍လည်းကောင်း၊ နည်းမရ၍လည်းကောင်း ဖြစ်မည်။ ဆရာပြ၍ နည်းရလျက်ပင် ယခုဘ၀တွင် မဂ်ဖိုရမည်လော၊ မရမည်လော သံသယရှိခဲ့လျှင် မြတ်စွာဘုရား၏ သဗ္ဗညုတ ဉာဏ်တော်ကို မယုံသောသူဟု မှတ်ရမည်။ အကျင့်ညစ်လျှင် သံသရာ၌ နစ်မြဲဖြစ်သည်။

သံဝေဂမိမိ၊ သတိရရဖြင့်ယခုဘ၀၌ပင် မဂ်ဖိုလ်ပြီးမြောက် နိဗ္ဗာန်သို့ရောက်အောင် လုံ့လပြုသင့်သည်။ သတိနှင့်မကွာ ပညာနှင့်တကွ ကိုယ်ကျိုးရှိအောင် အစဉ်ထာဝ ရကျင့်ကြံသင့်သည်။

တောင်လေးလုံးဆရာတော်ကြီး တိုက်တွန်းသကဲ့သို့ ပိပဿနာတရားကို ကြိုးစား အားထုတ်နေမည်ဆိုလျှင် ကောင်းကျိုးအနန္တသာ ရစရာရှိပါသည်။ အကျိုးယုတ်စရာမရှိပေ။ သီလက္ခန် အဋ္ဌကထာ ၁၇၁၊ ၁၇၂ ၌ ကြိုးကြိုးစားစား တရားအားထုတ်ကြသောသူများသည် -

၁။ ပထမအရွယ်၌ တရားရနိုင်သည်။
၂။ ပထမအရွယ်၌မရလျှင် ဒုတိယအရွယ်၌ ရနိုင်သည်။
၃။ ဒုတိယအရွယ်၌မရသေးလျှင် သေခါနီးအခါ၌ တရားထူးရနိုင်သည်။
၎။ သေသည်အထိ တရားထူးမရလျှင် နတ်ပြည်ရောက်က ရနိုင်သည်။
၅။ နတ်ပြည်ရောက်မှ တရားမရဘဲ ဘုရားမပွင့်သောအခါ၌ လူဖြစ်ခဲ့လျှင် ပစ္စေကဗုဒ္ဓါ ဖြစ်ရသည်။
၆။ ပစ္စေကဗုဒ္ဓါမဖြစ်ခဲ့လျှင် ပွင့်တော်မူလတံ့သော ဘုရားရှင်တို့၏ မျက်မှောက်မှာပင် ဗာဒိယဒါရုစိရိယရဟန်းကဲ့သို့လျှင်မြန်စွာ အရဟတ္တဖိုလ်ကိုရသော ခိပ္ပဘိညရဟန္တာဖြစ်ရသည်။

ဟု တိတိကျကျ ဖွင့်ပြထားရာ မိမိကိုယ်တိုင်ကသာ ကြိုးကြိုးစားစား အားထုတ်ဖြစ်ဖို့လိုပါသည်။ အားထုတ်၍ သောတပန်တည်ပြီ ဆိုလျှင်ကား မည်သို့သော တန်ခိုးရှင်၏ လှည့်ပတ်ဖြားယောင်းမှုကိုမှ ခံရလိမ့်မည် မဟုတ်ပေ။


အရှင်ဇဝန
(မျက်ရည်မကျခင်သိစေချင် မှ)

တွေးမိတိုင်း ပျော်တယ်

လွတ်လပ်မှု (၃)


ကိုယ်က လွတ်လပ်မှုကို ပိုပြီးလိုချင်ရင် သူများကို လွတ်လပ်မှုပိုရှိအောင် အတတ်နိုင်ဆုံး အကူအညီပေးပါ။ သူများ လွတ်လပ်မှု ဆုံးရှုံးနေတာကို ငါနဲ့ မဆိုင်ဘူးလို့ သင် သဘောထားရင် သင့်လွတ်လပ်မှုလည်း မကြာခင် ဆုံးရှုံးသွားမှာ သေချာတယ်။


ကိုယ့်လွတ်လပ်မှုကို တန်ဖိုးထားရင် သူတစ်ပါးရဲ့ လွတ်လပ်မှုကိုလည်း တန်ဖိုးထားမှ ဖြစ်မယ်။


ကိုယ့်လွတ်လပ်ခွင့်ဟာ သူတို့လွတ်လပ်ခွင့်ကို အန္တရာယ်ဖြစ်အောင် မလုပ်ရဘူး။


လွတ်လပ်မှုဆိုတာ ဘာလဲဆိုရင် ပညာဥာဏ်နဲ့ ယှဉ်ပြီးတော့ လုပ်သင့်တာကို လုပ်တာ လွတ်လပ်မှုလို့ ပြောလို့ရတယ်။ ကိုယ့်အကျိုးရှိဖို့ သူတစ်ပါးအကျိုး ထိခိုက်တဲ့ အလုပ်တွေကို စည်းမဲ့ကမ်းမဲ့ လုပ်တာဟာ လွတ်လပ်မှု မဟုတ်ဘူး။ လူ့အသိုင်းအဝိုင်း တစ်ခုလုံးအတွက် အကျိုးရှိတာကို သိပြီး လုပ်နိုင်တဲ့သူဟာ လွတ်လပ်မှုရှိတဲ့လူ ဖြစ်တယ်။ ကိုယ်လည်းပဲ အကျိုးရှိအောင်၊ အများလည်းပဲ အကျိုးရှိအောင် စဉ်းစားပြီးလုပ်မယ်။ ကိုယ်ပဲ အကျိုးရှိအောင်လို့ ဆိုတဲ့ အတ္တစွဲကြီးနဲ့ မလုပ်တော့ဘူး။ အဲဒီလိုလူဟာ ပျော်လည်း ပျော်တယ်၊ ကြည်လင်ရွှင်လန်းတဲ့စိတ်လည်း ရှိတယ်။


တစ်ကိုယ်ကောင်းဆန်ဆန် သူများကို ဒုက္ခပေးပြီး ကိုယ်ကျိုးရှာတဲ့သူဟာ လွတ်လပ်တဲ့သူ မဟုတ်ဘူး။ တကယ် လွတ်လပ်တဲ့သူဟာ အတ္တစွဲကို လွန်မြောက်ခဲ့ပြီ။
ဒါကြောင့် တစ်ကိုယ်ကောင်း မဆန်ဘူး။


မပြည့်ဝတဲ့သူဟာ ကရုဏာ မထားနိုင်ဘူး။ မပြည့်ဝတဲ့သူဟာ သူ့မှာ ဘယ်လောက်ရှိရှိ လိုသေးတယ်လို့ပဲ ထင်နေတယ်၊၊ နည်းသေးတယ်လို့ပဲ ထင်နေတယ်။ သူများရမှာကို မလိုလားဘူး။ အခု ကရုဏာမရှိ တစ်ကိုယ်ကောင်းဆန်ဆန် လုပ်နေကြတာတွေဟာ ဘာကြောင့်လဲ။ မပြည့်ဝလို့။ ချို့တဲ့နေတဲ့စိတ်ရှိလို့။ ပြည့်စုံတဲ့စိတ် မရှိလို့။ လွတ်လပ်တဲ့စိတ် မရှိလို့။


လွတ်လပ်မှုဆိုတာ လူ့အခွင့်အရေးလို့ ပြောကြပါတယ်။ မှန်ပါတယ်။ ဒါပေမဲ့ ပိုပြီး အဆင်မြင့်တဲ့ လွတ်လပ်မှုကို စဉ်းစားကြည့်တော့ ကိုယ့်ကိုယ်ကိုကိုယ် လွတ်လပ်တဲ့သူ ဖြစ်အောင် လုပ်ရမှာ လူတိုင်းရဲ့ အခွင့်အရေးနဲ့ တာဝန် ဖြစ်တယ်။


အခွင့်အရေးဆိုတာ ကိုယ့်ဘဝကိုကိုယ် တာဝန်ယူနိုင်တဲ့သူအတွက်ပဲ ဖြစ်တယ်၊၊ တာဝန်မဲ့ နေတဲ့သူ၊ စည်းမဲ့ကမ်းမဲ့ နေတဲ့သူဟာ လွတ်လပ်မှုနဲ့ မတန်တဲ့သူ ဖြစ်တယ်။


ငါဟာ လွတ်လပ်တဲ့သူ ဖြစ်ရမယ်။ အဲဒီလို လွတ်လပ်တဲ့သူဖြစ်ဖို့ တာဝန်ကို ငါယူတယ်။ လွတ်လပ်တဲ့သူဖြစ်ဖို့ လိုအပ်တဲ့ စိတ်ဓာတ်အင်အား ငါ့မှာ ရှိတယ်၊ အရည်အချင်း ငါ့မှာ ရှိတယ်၊ သတ္တိ ငါ့မှာ ရှိတယ်၊ စည်းကမ်း ငါ့မှာရှိတယ်၊ ဇွဲ ငါ့မှာ ရှိတယ် လို့ ရဲရဲဝံ့ဝံ့ ပြောနိုင်တဲ့သူ ဖြစ်ရမယ်။ အဲဒီလို ပြောနိင်တာကိုက လွတ်လပ်မှုတာဝန်ကို ယူတာပဲ။ ငါ့မှာ အရည်အချင်းရှိဖို့၊ သတ္တိရှိဖို့၊ စည်းကမ်းရှိဖို့၊ ဇွဲရှိဖို့ ပညာတတ် ဖြစ်ဖို့ ငါတာဝန်ယူတယ် လို့ ပြောနိုင်တဲ့စိတ်ဟာ လွတ်လပ်တဲ့ စိတ်ဖြစ်တယ်။


ကိုယ့်ကိုယ်ကိုကိုယ် လွတ်လပ်တဲ့သူဖြစ်ဖို့ တာဝန်ကို ယူထားတဲ့သူဟာ ကိုယ့်အရည်အချင်းတွေကို ကိုယ် အမြဲတမ်း မြှင့်တင်နေရမယ်။ ကိုယ့်ရဲ့ တွေးခ်ါပုံ၊ စဉ်းစားပုံကို ပိုပြီး သဘာဝကျအောင် တိကျအောင်
လေ့ကျင့်နေရမယ်။ ကိုယ့်စိတ်ဓာတ်ကို ခိုင်မာအောင် ရင့်ကျက်အောင်
လေ့ကျင့်နေရမယ်။ ငါဟာ ဥာဏ်ရှိတဲ့သူ၊ သတ္တိရှိတဲ့သူ၊ 'အမှား အမှန်၊'
'အကောင်း အဆိုး'၊ 'တရားတယ်၊ မတရားဘူး'၊ ဆိုတာကို ခွဲခြားပြီး သိတဲ့သူ ဆိုတာကို ဖေါ်ပြနိုင်ရမယ်။။������

➖➖➖��������➖➖➖

��ဆရာတော်ဦးဇောတိက ( မဟာမြိုင်တောရ ) ၏
“ တွေးမိတိုင်းပျော်တယ် ” စာအုပ်မှ ကူးယူဖော်ပြပါသည်၊၊��

အများအတွက် အကျိုးရှိစေမဲ့ စာပေတွေကို Share လုပ် မျှဝေပေးခြင်းဟာ မေတ္တာတမျိုး၊ ကုသိုလ်တမျိုး ဖြစ်ပါတယ်၊၊

မြတ်စွာဘုရား၏ ကာမဂုဏ်ဆိုင်ရာ “အမဲရိုး ဥပမာ”

အမဲဖျက်ခြင်း၌ ကျွမ်းကျင်သူသည် အမဲရိုးမှ အသားတို့ကို ဓားဖြင့်လှီး၍ယူ၏။ အထပ်ထပ်အခါခါ ဓားဖြင့်လှီး၍ယူ၏။ ထို့နောက် အရိုး၌ကပ်နေသော အသားစကလေးများကိုလည်း ဓားဖြင့်
ခြစ်၍ယူ၏။ အထပ်ထပ်အခါခါ ခြစ်၍ယူ၏။ အမဲရိုးသည် အသားမရှိ ပြောင်ရှင်းလျက် ရှိတော့၏။
အမဲသားစားရနိုးဖြင့် စောင့်မျှော်နေသော ခွေးတစ်ကောင်သည် ထို အမဲဖျက်သူ အနီး၌ ရှိနေ၏။ အမဲဖျက်သူသည် အသားမရှိသော အမဲရိုးကို စောင့်စားငံ့လင့်လျက်ရှိသည့် ခွေးအား ပစ်ပေးလိုက်လေသည်။ ထိုခွေးသည် သွေးနံ့ကို မက်မောစွာဖြင့် အမဲရိုးကို လျှာဖြင့်လျက်လေ၏။
ထိုခွေးသည် ဆာလောင်မွတ်သိပ်ခြင်း မပျောက်သည်သာတည်း။ စားချင်သော အလိုဆန္ဒ မပြည့်နိုင်သည်သာတည်း။

အဆင်း၊ အသံ၊ အနံ့၊ အရသာ၊ အတွေ့အထိ ဟူသော ကာမဂုဏ်ငါးပါးတို့သည် အမဲရိုးနှင့် တူကုန်၏။
သတ္တ၀ါတို့သည် ထိုကာမဂုဏ်တို့ဖြင့် အားရတင်းတိမ်ခြင်း မရှိနိုင်။ အလိုဆန္ဒပြည့်စုံပြီဟူ၍ မရှိနိုင်။ ဆားရေသောက်သူသည် သောက်လေငတ်လေ၊ ငတ်မပြေနိုင်သကဲ့သို့တည်း။ ။

{ မြင့်ရွှေ(ပေါင်းတည်) ၏ ဒီဘ၀ ဒီမျှသာနှင့် ၀ိပဿနာ မှ ကောက်နုတ်ရေးသား ပူဇော်ပါသည်။ }

ဦးသိန်းဝေ။
http://www.facebook.com/damanadi.tk
http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။